Ermənistanda Rusiya Federal Təhlükəsiz Xidməti (FTX) Sərhəd İdarəsinin kapitanı Aleksandr Svitkonun idarə etdiyi "Mitsubishi Pajero" markalı maşının aşması nəticəsində bir nəfər ölüb, sürücü isə yaralanıb.

7News.az bildirir ki, hadisə Arteni-Getap avtomobil yolunda qeydə alınıb.

İnfromasiyaya əsasən, avtomobilin yarğana yuvarlanması nəticəsində Rusiya Federal Təhlükəsizlik Xidmətinin Sərhəd İdarəsinin müddətli hərbçisi Artak Petrosyan ölüb. Sürücü - kapitan Aleksandr Svito isə huşsuz halda xəstəxanaya yerləşdirilib.

Hadisə ilə bağlı cinayət işi açılıb. /report

7News.az