Rusiya hava hücumundan müdafiə sistemləri Ukraynanın pilotsuz uçan aparatlarının Krımdakı obyektlərə hücumunu dəf edərkən səhvən öz qırıcısını vurub.
Bu barədə Ukrayna hərbi-dəniz qüvvələrinin sözçüsü Dmitri Pletençuk "Apostrof" efirində bildirib.
O həmçinin qeyd edib ki, yarımadaya gecə zərbələrindən sonra Qvardeyskdə neft bazasında yanğın başlayıb.
Qeyd edək ki, Rusiya Hava Hücumundan Müdafiə qüvvələri oktyabrın 16-dan 17-nə keçən gecə yeddi region üzərində Ukraynaya məxsus 61 sabit qanadlı pilotsuz uçuş aparatını (PUA) vurub.
