Rusiya Müdafiə Nazirliyindən Yakutiyanın Bulunsk rayonunda "İl-18” təyyarəsinin qəzası şərh edilib.

7News.Az bu barədə RİA Novosti-yə istinadən xəbər verir.

Nazirliyin məlumatına görə, təyyarə qəza enişi edib.

"Hadisə nəticəsində bütün sərnişinlər və heyət üzvləri sağdır. 16 nəfər ağır xəsarət alıb. Axtarış-xilasetmə xidmətlərinin helikopterlərinin yardımı ilə onlar Tiksiyə müalicə müəssisəsinə gətiriliblər”, - nazirlikdən bildiriblər.

***

Yakutiyanın Bulunsk rayonunda göyərtəsində 39 nəfərin olduğu "İl-18” təyyarəsi qəzaya uğrayıb. 

7News.Az xəbər verir ki, TASS bu barədə hüquq-mühafizə orqanlarındakı mənbəyə istinadən məlumat yayıb. 

"Yekaterinburqun Koltsovo aeroportundan dekabrın 19-da səmaya qalxan "İl-18” təyyarəsi Tiksi qəsəbəsinin 27 km məsafəsində qəzaya uğrayıb”, - mənbə bildirib.

Qeyd edilir ki, təyyarənin göyərtəsində 32 sərnişin və yeddi nəfər heyət üzvü olub. 

Hazırda zərərçəkənlərin təxliyəsi işi aparılır.   

İnterfaks-ın məlumatına görə, qəza nəticəsində 30 nəfər ölüb.