Salyanda 5 otaqlı ev içindəki əşyalarla birlikdə yanıb.
Hadisə Salyan şəhərinin Şəhriyar küçəsi-73 ünvanında qeydə alınıb.
Şəhər sakini, 23 yaşlı Rəxşəndə Əhmədovaya məxsus 5 otaqlı fərdi yaşayış evi qəfildən alovlanmağa başlayıb. Yanğın barədə Fövqəladə Hallar Nazirliyinin (FHN) Salyan Yanğından Mühafizə Hissəsinə məlumat verilib.
Yanğının söndürülməsinə Salyan Yanğından Mühafizə Xidmətinin 4 maşını və canlı qüvvəsi cəlb edilib. Yanğınsöndürənlər yanğını lokallaşdırıb və alovun yaxınlıqdakı evlərə keçməsinin qarşısını alıb. Buna baxmayaraq, 5 otaqdan ibarət olan fərdi yaşayış evi içindəki əşyalarla birlikdə yanaraq kül olub.
Yanğının hansı səbəbdən baş verdiyi məlum deyil. Faktla bağlı araşdırma aparılır./apa
7news.az
