Türkiyənin Şanlıurfa bölgəsinin Siverek rayonunda orta məktəblərdən birində valideyn müəllimə bıçaqla hücum etməyə çalışıb.

Bu barədə "Sözcü" qəzeti məlumat yayıb.

Məlumata görə, silahlı hücum edən şəxs məktəbdəki polis əməkdaşları tərəfindən saxlanılıb.

Asayiş keşikçilərin müdaxiləsi sayəsində bıçaqla hücumun qarşısı son anda alınıb.

Qeyd olunur ki, insident zamanı xəsarət alan olmayıb.

Hadisə ilə bağlı araşdırma başlanılıb.

Xatırladaq ki, aprelin 14-də Şanlıurfanın Siverek rayonunda yerləşən liseydə baş verən insident zamanı 16 nəfər xəsarət alıb. Aprelin 15-də isə Türkiyənin Kahramanmaraş şəhərində 8-ci sinif şagirdi məktəbə silahlı hücum edərək bir müəllimi və səkkiz şagirdi qətlə yetirib.