Türkiyədə yeni yaradılan "Satqınlar qəbiristanlığı"nın görüntüləri yayılıb. 

7News.Az bildirir ki, görüntüləri "İHA" agentliyi yayıb. Görüntülərdə ilk basdırılan "satqın"ın qəbri və işçilərin yeni qəbirlər qazması əks olunub.

Qeyd edək ki, qəbiristanlıq Tepeörendə İstanbul Bələdiyyəsinin sahibsiz heyvanlar üçün qurulan sığınacağının olduğu ərazidə salınıb. Qəbiristanlığın girişində "Satqınlar qəbiristanlığı" lövhəsi nəzərə çarpır.

Xatırladaq ki, İstanbul bələdiyyə başçısı Kadir Topbaş dünən "satqınlar qəbiristanlığı"na bir vətən xaininin basdırıldığını bildirmişdi. Burada basdırılan ilk şəxsin Acıbadəmdə məhəllə muxtarını öldürən kapitan Mehmet Karabekirin olduğu məlum olub./aznews

7News.Az