7News.Az-ın haberler.com-a istinadən verdiyi xəbərə görə, 29 yaşlı Torres pilot olan qardaşının peşəsinə uşaqlıqdan həsəd aparıb, lakin çoxları bu sənətin qız üçün münasib olmadığını deyib və Luana İqtisadiyyat Universitetinə daxil olub.
Lakin bir proqram çərçivəsində iki aylıq Avstraliyaya yollandıqdan sonra həyatı tamamilə dəyişib.
2014-cü ildə Braziliyaya qayıdan Luana dərhal məşqlərə başlayıb və helikopter pilotluğu üzrə diplom alıb.
Daha sonra ABŞ-a yollanan gənc qız burada ikinci diplomunu əldə edib.
2016-cı ildə Luana ABŞ-dan Kanadaya səyahət edib və burada daha bir diplom aldıqdan sonra özəl şirkətlər üçün helikopter pilotu kimi işləməyə başlyıb.
Bu yolda Luanaya ən çox dəstək verən qardaşı və onun pilot olan xanımıdır.
"Qadınlardan pilot çıxmaz" deyənlərə əksini sübut etməyə çalışan Luana hazırda dünyanı gəzərək yeni-yeni uğurlara imza atır. O, "ən atəşli pilot" ləqəbiylə tanınır.
"Instagram"da bu gözəlçənin 180 mindən çox izləyicisi var.
