Qaçaqmalçılığın qarşısı alınıb.
Azərbaycan gömrükçüləri külli miqdarda siqaretin qaçaqmalçılıq yolu ilə ölkəyə keçirilməsinin qarşısını alıb.
Dövlət Gömrük Komitəsinin Mətbuat Xidmətindən 7News.Az-a verilən məlumata görə, Tovuz Gömrük İdarəsinin əməkdaşları daxil olan məlumat əsasında Gəncə şəhər sakini Məmmədov Şaiq Murad oğlunun idarə etdiyi “Ford Transit” markalı 20-DR-224 dövlət nömrə nişanlı avtomobilə baxış keçirib.
Yoxlama zamanı avtomobildən qaçaqmalçılıq yolu ilə ölkə ərazisinə gətirilən və üzərində aksiz markası olmayan 40 min ədəd siqaret aşkar edilərək götürülüb.
