Yevlax şəhərində sərnişin avtobusu ilə yük avtomobili toqquşub.
Hadisə Bakı-Qazax magistral yolunun Yevlax şəhərinin mərkəzindən keçən hissəsində baş verib.
Şəki-Bərdə marşrutu ilə hərəkət edən, Əvəz Nəcəfovun idarə etdiyi 20 BS 866 dövlət nömrə nişanlı “Ford” markalı sərnişin avtobusu Sakit Həsənovun idarə etdiyi 36-BG-151 dövlət nömrə nişanlı “Ford” markalı yük avtomobili ilə toqquşub. Nəticədə yük avtomobilində olan 2 sərnişin xəsarət alıb.
Faktla bağlı Dövlət Yol Polisinin müvafiq bölməsi araşdırma aparır./apa
7news.az
