7news.Az xəbər verir ki, hadisə Türkiyənin Burdur vilayətində baş verib.

Məlumata görə, birinci kurs tələbəsi Furkan Kaya 17 yaşlı sevgilisi Aytən Kəkliyi öldürmək məqsədilə evinə çağırıb. Daha sonra bir həftə əvvəldən planladığı şəkildə qızı sinəsindən dəfələrlə bıçaqlayıb. Nəfəs aldığını görəndə isə yastıqla boğaraq öldürüb.

Hadisə ilə bağlı həmin binada yaşayan tələbələr polisə məlumat verib.

F.Kaya isə boynunu və biləklərini kəsərək intihara cəhd edib. Bir müddət xəstəxanada müalicə alandan sonra ifadə verib. Hakimi uşağa qarşı əvvəldən planlaşdırılmış şəkildə canavarcasına və əziyyət çəkdirərək öldürmə maddəsi ilə ağırlaşdırılmış cəza veriləcəyini açıqlayıb.

O, məhkəmənin hökmü ilə ömürlük həbs cəzasına məhkum edilib.

Məhkəmədə ifadə verən F.Kaya cinayəti əvvəldən planlaşdırdığını etiraf edib. O, sevgilisinin onu aldatdığı üçün belə bir addım atdığını deyib.

F.Kaya ifadəsində bildirib ki, sevgilisini bir həftə əvvəl yanına çağırarkən başına belə bir hadisənin gələcəyini bilirdi: "Aytənə bir həftə əvvəl gəlməsini deyəndə "Bura niyə gələcəyini bilirsən?” –deyə, soruşdum. O da "Bilirəm, ölümə gəlirəm”-deyə, cavab verdi. Mən də ona yeni həyatında xoşbəxtdirsə, gəlməsinə ehtiyac olmadığını dedim. Ancaq o gələcəyini bildiridi. Aytəni öldürməyə bir həftə əvvəl qərar vermişdim. Çünki mənə xəyanət etmişdi”.

Məlumata görə, F.Kaya cinayəti törətdiyi gün sevgilisi ilə öz istəyi ilə cinsi əlaqədə olub. Sonra evdən çıxıb içki içiblər, çərəz alıb evə qayıdıblar.

"İçki içdik, gecə saat 01 radələrində əvvəldən planlaşdırdığım kimi mətbəxdəki bıçağı götürdüm, sinəsinə dəfələrlə vurdum. Sonra da bıçaq qırılanda ikinci bıçağı götürüb yenidən bıçaqladım. Nəfəs aldığını görəndə yastıqla boğdum. Sonra hamamda vannanı su ilə doldurub qolumu kəsərək içinə girdim. Dərman içdim. Sonra da həyətdə özümü asmaq istədim. Lakin bacarmadım. Sonra da dostuma zəng edib hadisəni danışdım”-deyə, cinayət gecəsi yaşananları nəql edib.

7news.Az