Sentyabrın 20-dən ön sifariş toplanmasına başlanan SOCAR İstiqrazlarının (5 il müddətli, 3 aydan bir faiz ödənişli, 100 milyon ABŞ dolları məbləğində buraxılan) sifariş toplanma prosesi oktyabrın 10-da uğurla tamamlanmışdır.

ASAN xidmət, Azərbaycan Beynəlxalq Bankı, Azər-Türk Bank, Xalq Bank, Kapital Bank, Rabitə Bank, AzFinance, İnvestAz, Paşa Kapital və anderrayterliyi öhdəsinə götürən PSG Kapital-ın işbirliyi ilə toplanmışön sifarişlərin yekun sifariş halına gəlməsindən sonra bölüşdürülməsi prosesi 12 oktyabrda, yerləşdirilməsi isə 13 oktyabrda gerçəkləşdiriləcəkdir. 14 oktyabradək Azərbaycan RespublikasıMaliyyə Bazarlarına Nəzarət Palatasının təsdiqləməsindən sonra 17 oktyabrdaİkinci Bazar əməliyyatları başlanacaqdır.Bu prosesin uğurla nəticələnməsinə dəstək olan başda Azərbaycan Respublikası Maliyyə Bazarlarına Nəzarət Palatası (MBNP), Bakı Fond Birjası (BFB) və Milli Depozit Mərkəzi (MDM) olmaqla, əməyi keçən bütünqurumlara təşəkkür edirik.

Dəyəri 100 milyon ABŞ dolları təşkil edən SOCAR İstiqrazlarınınburaxılışı qarşılığında ümumilikdə 203 milyon 604 min ABŞ dolları sifariş toplanmışdır. Bölüşdürmə əməliyyatında üstünlük Emissiya Prospektində yazıldığı kimi, fiziki şəxslərə (vətəndaşlara) veriləcəkdir, sonra isə hüquqi şəxslərin tələbləri qarşılanacaqdır.

Yekun nəticələr 14 oktyabr tarixi etibarı ilə dəqiqləşəcək. İnvestorların qarşılana bilinməyən tələblərinin onların bank hesablarına geri qaytarılmasına başlanacaq və ən gec 18 oktyabr tarixində həmin proses sonlandırılacaqdır.

100 milyon ABŞ dolları məbləğində kütləvi buraxılmış SOCAR İstiqrazlarının fiziki və hüquqi şəxslər tərəfindən 2 qatdan çoxtələbatla qarşılanması həm SOCAR İstiqrazlarına, həm də ölkəmizin kapital bazarının inkişafına göstərilən böyük marağın bariz nümunəsidir. Bu vəsilə ilə göstərmiş olduqları etimad üçünvətəndaşlarımıza və qurumlara təşəkkürlərimizi bildiririk.