Türkiyənin Çanaqqala şəhərində Ezgi adlı şəxs yeni doğulan körpəsini zibil qutusuna ataraq ölümünə səbəb olub.
7News.Az Sonxeber.az-a istinadən xəbər verir ki, həmin an təhlükəsizlik kameraları tərəfindən qeydə alınıb.
Yeni doğulan oğlan uşağı qutuya atıldıqdan 2 saat sonra zibil yığan qadın tərəfindən tapılıb.
Vəziyyət dərhal polisə və Təcili Tibbi Yardım qurumlarına bildirilib.
Qısa müddətdə hadisə yerinə gələn həkimlər körpəni Çanaqqala Dövlət Xəstəxanasına aparıb, lakin bütün müdaxilələrə baxmayaraq, onun həyatını xilas etmək mümkün olmayıb.
Hadisəni törədən ana polisin 2 saatlıq axtarışlarından sonra tapılaraq həbs edilib.
