Son 10 ildə İranda intihar nəticəsində ölənlərin sayı 40 000-dən çox olub.

Bu barədə İran Polis Komandanlığı hesabatında bildirilib.

Məlumata görə, 10 il əvvəl bu göstərici 20 000-dən az olub.

Mütəxəssislər intiharların müxtəlif həyat şəraitindən baş verdiyini qeyd ediblər: "Məqsəd və ümid olmayanda insanlarda boşluq yaranır və onlar intihara əl atırlar”.

Məlumata görə, 283 gün ərzində yoxsulluq, borc və aşağı əmək haqqı səbəbindən 23 fəhlə intihar edib.

Ekspertlər bildirib ki, ədalətsizliyin artması, yoxsulluq, korrupsiya, tənəzzül və uğursuzluq İranda cəmiyyətin psixi sağlamlığına ciddi təhlükə mənbəyidir.

Qeyd edək ki, Ümumdünya Səhiyyə Təşkilatının rəsmi statistikasına əsasən, hər il 800 000 nəfər intihar nəticəsində ölür.