Moskvanın Yeni Moskva rayonunun Mosrentgen qəsəbəsində yaşayış evində baş vermiş yanğın nəticəsində 2 nəfər həlak olub və 12 nəfər xəsarət alıb.  

Bu barədə "Qafqazinfo” "TASS”a istinadən xəbər verir.

Yanğın 31 saylı evdə qeydə alınıb. İkinci mərtəbədə mənzil və 3-9 mərtəbələrdəki eyvanlar yanıb.

Həlak olanların hər ikisi uşaqdır. Zərərçəkmişlərin hamısı müayinə və yardım üçün həkimlərə təhvil verilib.

Cinayət işi açılıb. Müstəntiqlər hadisə yerində işləyirlər.

***

Hadisə nəticəsində həlak olanların sayı 3-ə, xəsarət alanların sayı isə 14-ə çatıb.

Yanğına səbəb mənzildə qısa qapanma olub.