Belarus hüquq-mühafizə orqanları Minsk ətrafında xarici özəl hərbi şirkətin 32 döyüşçüsünü saxlayıb.
7News.Az-ın "Belta" dövlət informasiya agentliyinə istinadən verdiyi məlumata görə, Belarus hüquq-mühafizə orqanlarının əməkdaşları tərəfindən iyulun 29-na keçən gecə Minsk ətrafında xarici özəl hərbi şirkətin 32 döyüşçüsü saxlanılıb.
Belarusda saxlanılan döyüşçülər Rusiyanın "Vaqner" özəl hərbi qrupunun üzvləridir.
Bu barədə "Belta" agentliyi hüquq-mühafizə orqanlarına istinadən məlumat yayıb.
Daha bir döyüşçü isə ölkənin cənubunda saxlanılıb. Bununla da saxlanılan döyüşçülərin sayı 33-ə çatıb.
