Sumqayıt şəhər Polis İdarəsi Dövlət Yol Polisi şöbəsi əməkdaşları tərəfindən Bakı-Sumqayıt istiqamətində hərəkət edən, eləcə də şəhərdən digər ərazilərə qanunsuz sərnişin daşıyan sürücülərə qarşı reyd keçirilib.

 Yoxlamalar qalmaqalsız ötüşməyib. Yol polisi mikroavtobusu saxladaraq, cərimə meydançasına aparacağını bildirir. Sürücü isə bunun qanunsuz olduğunu deyərək etiraz edib.

Reyd zamanı ümumilikdə 20-dən çox istismara yararsız, eləcə də sakinlərə qanunsuz xidmət həyata keçirən irili-xırdalı avtobuslar aşkar edilib və həmin sürücülər barəsində cərimə protokolu tərtib olunub.

Bu kimi reydlərin mütəmadi olaraq keçirilməsi nəzərdə tutulub. /ARB