İrina Zaretskaya qrupda sonuncu görüşünü keçirib.

7NEWS.Az xəbər verir ki, o, türkiyəli Məltəm Hocaoğlunu 4:0 hesabı ilə məğlub edərək yarımfinala vəsiqə qazanıb.

İrina altı xalla qrup lideri olub. O, yarımfinala çıxmaqla ən azı bürünc medalı özünə təmin edib.

10:54

İrina Zaretskaya qrupda üçüncü görüşünü keçirib.

7NEWS.Az xəbər verir ki, o, Sofya Berultsovaya (Qazaxıstan) 4:5 hesabı ilə uduzub.

İdmançımızın yarımfinala çıxması üçün Məltəm Hocaoğlunu (Türkiyə) məğlub etməsi lazımdır. Hazırda İrina dörd xalla qrupda ikinci yerdədir.

10:28

İrina Zaretskaya Olimpiadanın qrupunda ikinci qələbəsini qazanıb.

 

7NEWS.Az xəbər verir ki, o, ikinci görüşündə Silvia Semeraroya (İtaliya) 3:2 hesabı ilə qalib gəlib. 

09:46

 

Azərbaycan karateçisi İrina Zaretskaya Tokio Olimpiadasına qələbə ilə başlayıb.

7NEWS.Az-ın xəbərinə görə, dünya və Avropa çempionumuz ilk görüşdə meydan sahibi Ayumi Uekusa (Yaponiya) ilə qarşılaşıb.

İrina rəqibinə 4:1 hesabı ilə qalib gəlib.

 

 

 

 

 

 

7NEWS.Az