7news.az  xəbər verir ki, Tovuzda yaşayış evində güclü partlayış baş verib.

Hadisə bu gün rayonun Alakol kəndində Mehman Həmzəyevə məxsus evdə qeydə alınıb. Ümumi sahəsi 260 kv.m olan ikimərtəbəli 8 otaqlı evin 1-ci mərtəbəsinin 1 otağında məişət qazının sızması dağıntıya səbəb olub.
Qonşuların sözlərinə görə, qəfildən güclü partlayış səsi eşidib, küçəyə çıxan zaman evin divarının uçduğunu görüblər.
4 nəfərin yaşadığı mənzildə şiddətli partlayış zamanı 12 yaşlı Elşən Həmzəyev xəsarət alıb.
Hadisə nəticəsində ev sahibinə xeyli ziyan dəyib. Partlayış zamanı evdə yanğın qeydə alınmayıb.
Faktla bağlı araşdırmalara başlanılıb./ttv

7news.az