ABŞ Prezidenti Donald Tramp hərbi əməliyyatlar şiddətlənərsə, İranın elektrik şəbəkəsini bir saat ərzində məhv etməklə hədələyib.

Bu barədə 7News.Az TASS-a istinadən məlumat yayıb.

"Biz Tehranın ərazilərinə və digər nöqtələrə zərbə endirə bilərik. Əgər bu baş verərsə, onların ölkəni yenidən qurması faktiki olaraq mümkün olmayacaq. Amma biz bunu istəmirik", - deyə ABŞ lideri Vaşinqton yaxınlığındakı "Endryus" Hərbi Hava Qüvvələri Bazasında jurnalistlərə bildirib.

Onun sözlərinə görə, ABŞ eyni vaxtda İranın elektrik şəbəkəsinə zərbə endirə bilər. "Biz onların elektrik şəbəkəsini bir saat ərzində məhv bilərik. Onu yenidən qurmaq isə 25 il lazım olacaq", - deyə Ağ Ev rəhbəri əlavə edib.

Xatırladaq ki, fevralın 28-də İsrailin müdafiə naziri İsrael Kats İsrail Müdafiə Qüvvələrinin İrana qabaqlayıcı zərbə endirdiyini açıqlayıb. Daha sonra ABŞ Prezidenti Donald Tramp ölkəsinin də İrana qarşı hərbi əməliyyatda iştirak etdiyini bildirib.

İran isə öz növbəsində İsrailə onlarla ballistik raket atıb. İsrail Müdafiə Qüvvələri atışları təsdiqləyib, ölkə daxilində sirenlər səslənib və hava hücumundan müdafiə sistemləri işə salınıb.

Martın 1-də İranın Ali Lideri Əli Xameneinin hücumlar zamanı öldürüldüyü bəyan olunub.

İran ABŞ-nin hərbi bazalarının yerləşdiyi qonşu ölkələrin əksəriyyətinə raket zərbələri endirib. Buna görə də həmin ölkələrdə hava məkanı müvəqqəti bağlanıb.