ABŞ-nin yeni seçilmiş Prezidenti Donald Tramp ukraynalı həmkarı Volodimir Zelenskinin Ukraynadakı münaqişəyə son qoymaq üçün razılaşmaya hazır olmasının vacibliyini bəyan edib.
Dövlət başçısının çıxışından TASS sitat gətirib.
"O, (Zelenski - red.) razılığa gəlməyə hazır olmalıdır. Bu, sondur. Həddindən artıq çox insan ölür. Bu, müharibədir və çoxlu insan ölür. Biz razılaşma əldə etməliyik", - Tramp Floridadakı mətbuat konfransında bildirib.
O qeyd edib ki, müqavilənin digər tərəfi Rusiya Federasiyası olmalıdır.
Trampın sözlərinə görə, o, Ukraynada nizamlanma üçün Putinlə əlaqə saxlamaq niyyətindədir.
