Prezident Donald Tramp ABŞ-ın Əfqanıstandakı qoşunlarının komandanı Con Nikolsonun istefasını tələb edib.

Bu barədə NBC telekanalı xəbər verib. 

"Biz Əfqanıstanda müharibədə məğlub oluruq. Buna görə qoşunların rəhbərliyində rotasiyaya ehtiyac var. Biz qalib gəlmirik, uduzuruq”, - deyə D.Tramp bildirib.

Məlumata əsasən, Tramp ABŞ-ın NATO üzrə müttəfiqlərinin fəaliyyəti ilə bağlı dərin narazılığını ifadə edib.

Qeyd edək ki, Əfqanıstanın Qəndəhar vilayətində "Taliban” silahlılarının NATO qüvvələrinin konvoyuna hücumu nəticəsində iki amerikalı hərbçi həlak olub./apa

7news.Az