7NEWS.az xəbər verir ki, ABŞ prezidenti Donald Trampın Suriyaya qarşı bütün sanksiyaların ləğv edildiyini açıqlaması Amerika administrasiyasında heyrətə səbəb olub. Məmurlar onilliklər ərzində qüvvədə olan sanksiyaları necə aradan qaldıracaqlarını anlamağa çalışırlar. Yüksək rütbəli bir məmur deyib ki, Ağ Ev nə Dövlət və Xəzinədarlıq departamentlərinə sanksiyaların ləğvi ilə bağlı göstərişlər göndərib, nə də onlara belə bir elanın ediləcəyi barədə əvvəlcədən xəbərdarlıq edib.