Türkiyənin Adıyaman şəhərində maraqlı hadisə yaşanıb. Belə ki, tülkü insanlarla dostlaşmağa başlayıb.

7News.Az xəbər verir ki, bu barədə şəhərin mərkəzindən 30 kilometr məsafədə yerləşən Kaşköy kəndinin sakinləri məlumat verib.

Onların sözlərinə görə, burada yerləşən mərmər sexinə 3 ay əvvəl bir tülkü gəlib. O, burada işçilər tərəfindən yemlənib. Qarnı doyduqdan sonra uzaqlaşan tülkü sonrakı günlərdə də ardıcıl olaraq gəlməyə başlayıb. Təxminən, 3 aydır bu yerə gələn tülkü artıq işçilərlə dostlaşmağa başlayıb. İşçilər isə ona "Maco" adını veriblər.