Türkiyə hüquq mühafizə orqanları axtarışda olan 14 cinayətkarı ölkəyə gətizdirib.
Bu barədə Türkiyənin DİN rəhbəri Əli Yerlikaya öz sosial şəbəkə hesabında məlumat paylaşıb.
Saxlanılan cinayətkarların 8-i Gürcüstandan, 2-i Albaniyadan, 2-i Almaniyadan, digər ikisi isə Seneqal və Yunanıstandan gətirilib.
Saxlanılan şəxslərin qanunsuz mütəşəkkil dəstə qurma, soyğunçuluq, hədə-qorxu gəlmə, cinsi istismar, adamöldürmə və başqa cinayətlərdə təqsirli bilindikləri qeyd olunur.
