Türkiyədə islamçı müxalifətçi Fətullah Gülənin bacısı oğlu həbs edilib. 

7news.Az xəbər verir ki, bu barədə NTV telekanalı məlumat yayıb. 

Gülənin bacısı oğlu M.A.S. üç digər şübhəli ilə yanvar ayının 6-da Manis əyalətində saxlanılıb. İstintaqdan sonra həmin dörd nəfər həbs edilərək həbsxanaya göndərilib. 

İyulun 16-na keçən gecə Türkiyədə bir qrup qiyamçı dövlət çevrilişinə cəhd edib. Əsas qarşıdurmalar Ankara və İstanbulda olub. 

246 nəfər həlak olub, 2 minə yaxın adam müxtəlif dərəcəli xəsarət alıb, qiyam yatırılıb. Türkiyə hakimiyyəti Güləni qiyamın təşkilində ittiham edərək ABŞ-dan onun ekstradisiyasını tələb edib. Gülən özü qiyamı pisləyib və bu qiyama heç bir aidiyyəti olmadığını söyləyib. 

7news.Az