Türkiyənin Aqra vilayətinin məhkəməsi "İslam Dövləti” (İŞİD) terror qruplaşması ilə əlaqəda olmaqda şübhəli bilinən rusiyalını həbs edib.
Bu barədə "Milliyet” qəzeti məlumat yayıb.
Məhkəmənin versiyasına görə, X.M. daha öncə Türkiyəyə terror aktı hazırlamaq üçün qeyri-qanuni yolla gəlib. Dekabrın 3-də Aqra vilayətinin Təhlükəsizlik İdarəsinin Terror əleyhinə mübarizə şöbəsi saxlanılan şəxsin yaşadığı ünvan üzrə reyd keçirib.
Saxta sənədlər və başqasının adına şəxsiyyət vəsiqəsi, qruplaşma haqqında elektron materiallar və saxlanılan şəxsin İŞİD rəmzi yanında şəkilləri müsadirə edilib.
7News.az
