Türkiyənin Hakkari rayonunun Şəmdinli qəsəbəsində Durak Jandarma hərbi postuna bomba yüklü avtomobillə hücum nəticəsində şəhid olan əsgərlərin sayı 9-a çatıb.
7News.az-ın məlumatına görə, bu barədə Türkiyənin NTV telekanalı Hakkari Valiliyinə istinadən məlumat yayıb.
Partlayış nəticəsində 8 mülki şəxs də həyatını itirib. Valilik partlayış nəticəsində 11-i əsgər olmaqla, 27 yaralı olduğunu da açıqlayıb.
Qeyd edək ki, partlayış Şəmdinli qəsəbə mərkəzindən 20 km uzaqlıqda magistral yol üzərində olan Durak Jandarma hərbi postunun önündə avtomobillər yoxlanarkən törədilib./apa
7News.az
