"Fərat qalxanı" əməliyyatı çərçivəsində Suriyada antiterror əməliyyatı həyata keçirən Türkiyə hərbçilərinə qarşı daha bir hücum təşkil olunub.
Bu gün səhər saatlarında əl-Bab şəhərində partlayıcı dolu avtomobilin havaya uçurulması nəticəsində 3 əsgər yaralanıb. Yaralılar dərhal Türkiyədəki xəstəxanalara yerləşdirilib. Həkimlərin səyinə baxmayaraq onlardan ikisi şəhid olub. Digər hərbçinin vəziyyəti ağır qiymətləndirilir.
Hücumun İŞİD terrorçuları tərəfindən təşkil olunduğu güman edilir.
