"Twitter” sosial şəbəkəsi İran, Ermənistan və Rusiya ilə əlaqəli olduğu bildirilən yüzlərlə hesabı bağlayıb.
7NEWS.Az xarici KİV-ə istinadən xəbər verir ki, qurum bu hesabların şirkətin manipulyasiya siyasətini pozduğunu əsas gətirərək birdəfəlik bloklayıb.
Ümumilikdə, 373 hesab qapadılıb ki, bunlardan 238-i İranda, 100-ü Rusiyada fəaliyyət göstərir.
Bağlanan Rusiya mənşəli hesabların ABŞ və Avropa İttifaqını hədəf aldığı və NATO-ya olan inamı sarsıdacaq paylaşımlar etdiyi qeyd olunub.
Azərbaycanı hədəf almaq üçün açılan digər 35 hesabın Ermənistan mənşəli olduğu və onların da bloklandığı bildirilib.
7NEWS.Az
