Ucar rayonunda baş verən ağır yol qəzasında xəsarət alanların adları açıqlanıb.

Bu barədə Oxu.Az-a Ucar Rayon mərkəzi xəstəxanasının cərrahı Zahir Salahov məlumat verib. 

O bildirib ki, hadisə nəticəsində mərkəzi xəstəxanaya üç nəfər yaralı gətirilib:

"Hadisə nəticəsində 2008-ci il təvəllüdlü Məmmədov İsmayıl Oqtay oğlu, 1981-ci il təvəllüdlü Məmmədova Yeganə Aydəmirqızı, 1976-cı il təvəllüdlü Fətəliyev Füzuli Kəmaləddin oğlu xəstəxananın cərrahi şöbəsinə yerləşdiriliblər. 

Xəstələrə müvafiq olaraq sağ yanağın və sağ budun əziyi, burunun və sağ baldırın əzilmiş-cırılmış yaraları, döş qəfəsinin küt travması və sol yanağın əziyi diaqnozu qoyulub. Onların vəziyyəti stabildir”.

10:37

Ucar rayonunun Müsüslü kəndində "KamAZ” markalı yük avtomobili və "Opel” markalı minik avtomobili toqquşub.

Bu barədə 7News.Az-a Fövqəladə Hallar Nazirliyindən məlumat verilib.

Qəza nəticəsində minik avtomobilinin sərnişini hadisə yerində ölüb, daha bir nəfər isə yaralanıb.

Faktla bağlı araşdırma aparılır.

7News.Az