7NEWS.az xəbər verir ki, Kiyev administrasiyası Qərb ölkələrinin sanksiya tətbiq etdiyi rus oliqarxlarına təzyiqləri artırmaq üçün yeni cəhdlər edir. Ukraynanın Korrupsiyanın Qarşısının Alınması üzrə Milli Agentlik (NACP) Rusiya lideri Vladimir Putinin Ukraynadakı müharibəsinə kömək və dəstək verməkdə ittiham olunan rusiyalı milyarderlərin son illərdə alıb-satdıqları sənət əsərlərinin siyahısını tərtib etməyə başlayıb. Agentlik sənət əsərlərinin rus oliqarxlarının öz sərvətlərini qorumaq üçün istifadə etdikləri arxa qapı olduğunu iddia etsə də, indiyədək Leonardo Da Vinçi, Frensis Bekon, Endi Uorhol kimi məşhur adların əsərlərinin də olduğu 300 sənət əsərinin müəyyən edildiyi bildirilib.

7NEWS.az