Ukrayna Milli Qvardiyası dağ-piyada bölməsi yaratmaq niyyətindədir.
Bu fikri Milli Qvardiyanın beynəlxalq fəaliyyət idarəsinin rəis müavini Vladimir Qrabçak brifinqdə səsləndirib. O deyib: “Hazırda Milli Qvardiyanın dağ bölməsinin yaradılması üzrə işlər görülür”.
V.Qrabçakın sözlərinə görə, müvafiq bölmənin hərbi qulluqçuları dağlıq yerdə asayişi qoruyacaq, o cümlədən dağ-xizək kurortlarında əcnəbiləri və Ukrayna vətəndaşlarını mühafizə edəcəklər.
Ukrayna ilə İtaliya arasında Milli Qvardiyanın və karabinerlərin birgə təlimlərinin keçirilməsi haqqında razılıq əldə edilib./azertac
7news.az
