Rusiya Silahlı Qüvvələri Ukraynanın Xarkov şəhərinə "Geran-2" kamikadze dronları ilə kütləvi hücum həyata keçirib.

Hücum nəticəsində iki uşaq da daxil olmaqla, ən azı 36 nəfər yaralanıb.

Gecə yarısı şəhərin Slobidski və Osnovyanski rayonlarına zərbələr endirilib. Hücum nəticəsində xeyli dağıntılar baş verib: 10-dan çox mənzil binası, mülki müəssisələr,  təcili yardım yarımstansiyası, məktəb və onlarla avtomobil zədələnib.