Pakistanda terrorçular universitetə hücum edib.

7News.Az “DAWN”-a istinadən xəbər verir ki, hadisə Çarsadda şəhərində yaşanıb. 

İlkin məlumatlara görə, terrorçular auditoriya və yataqxanaya daxil olaraq atəş açıb. Onların üç nəfər olduğu bildirilir. 

Hadisə nəticəsində azı bir nəfər ölüb, 6 nəfər yaralanıb. 

Həmin universitetdə 3 minə yaxın tələbə təhsil alır.

Polis binada iki partlayışın olduğunu bildirir. Hadisə yerinə xilasedicilər və hərbçilər cəlb olunub. 

***
10:46

Ən son yayılan məlumatlara görə hadisə nəticəsində ölənlərin sayı 15-ə çatıb.