7News.Az-ın haberler.com-a istinadən verdiyi xəbərə görə, 8 yaşlı Outam Hallou altını islatdığı üçün 30 yaşlı atası Brett Ceyson və 28 yaşlı ögey anası Sara Kay Hallou tərəfindən boğularaq öldürülüb.
Outamın 6 yaşlı qardaşı polisə valideynlərinin qızı daim döydüklərini və sözə baxmadıqda güclə yataq torbasının içində bağlayıb cəzalandırdıqlarını danışıb. Uşaq Outam ölmədən öncə atasının və ögey anasının onunla bir yerdə hamamda olduqlarını və döyülmə səslərinin eşidildiyini deyib.
Saranın 10 yaşlı qızı da hamamda qan izlərini gördüyünü bildirərək Outamın nəfəssiz qaldığını təsdiqləyib.
Ata və ögey ana bu ittihamları təkzib etsələr də, polis tərəfindən saxlanılıblar.
Outamın doğma anası Kelsi Kruz pandemiyaya görə uzun müddət qızıyla görüşə bilməyib.
Hadisədən sonra qızın dəfn mərasimini keçirmək üçün anasının adından xeyriyyə kampaniyası başladılıb.
7News.Az
