İyul ayında Laçın sərhəd-keçid məntəqəsində saxlanılan Vaqif Xaçatryan ailəsinə yenə məktub göndərib.
Bu barədə məlumatı Xaçatryanın qızı Tsovinar Xaçatryan açıqlayıb.
Onun sözlərinə görə, atası məktubunda qeyd edib: "Daim sizi düşünürəm, sağlam olun və hamıya salam deyin”.
Xaçatryanın qızı, həmçinin qeyd edib ki, atasının hazırda dərman qəbul etdiyini öyrəniblər: "Deyirlər səhhəti normaldır. Qırmızı Xaçın nümayəndələri ayda 1 dəfə atama baş çəkirlər”.
Xatırladaq ki, Vaqif Xaçatryan bir qrup erməni hərbi birləşmələrinin tərkibində 1991-ci ilin 22 dekabr tarixində Xocalı rayonunun Meşəli kəndində azərbaycanlılara qarşı kütləvi qırğın törədib. O, keçirilmiş axtarış tədbirləri nəticəsində cari il iyulun 29-u BQXK-nın vasitəçiliyi ilə müalicə almaq adı altında Ermənistana getmək istəyərkən Dövlət Sərhəd Xidmətinin hərbi qulluqçuları tərəfindən Azərbaycan-Ermənistan dövlət sərhədinin Laçın sərhəd-keçid məntəqəsində saxlanılıb./qafqazinfo
