Yanvarın 20-də İrəvandakı Mərkəzi Klinik Hərbi Hospitala ağır bədən xəsarətləri ilə hərbi çağırışmı Ernest Ovanisyan gətirilib.

Çağırışçı özünü hərbi hissənin pəncərəsindən atıb. Xəbərdə yazılana görə, onun intihar səbəbi çağırışçının Qarabağda xidmət etmək istəməməsidir.

Qeyd edək ki, Ovanisyan yanvarın 12-də hərbi xidmətə çağırılıb və 8 gün Qarabağda xidmət etdikdən sonra əsgərlikdən imtina edib. Hüquqşünaslar və psixoloqların cəhdləri də onu fikrindən daşındıra bilməyib.

Hərbi hissənin rəhbərliyi onun valideyinlərini çağırıb. Lakin valideynlər gəlməmiş əsgər özünü hərbi hissənin pəncərəsindən atıb və ağır xəsarətlər alıb. Məlumata görə, əsgər özünü pəncərədən atmazdan qabaq onu fikrindən döndürməyə çalışan əsgər yoldaşlarına "Venamı kəsərəm, amma burada xidmət etmərəm” sözlərini deyib.

Ermənistan Müdafiə Nazirliyinin mətbuat xidməti də faktı təsdiq edib./yenicag

7News.Az