Xaçmaz rayonunda ağacın avtomobilin üzərinə düşməsi nəticəsində sürücü xəsarət alıb.
Hadisə rayonun Ağtala kəndində baş verib.
Belə ki, Nərəcan-Uzunoba avtomobil yolunda hərəkətdə olan "VAZ-2107" markalı avtomobilin üzərinə ağac aşıb.
Hadisə zamanı sürücü 1992-ci il təvəllüdlü Allahverdiyev Vüsal Cəlaləddin oğlu müxtəlif dərəcəli bədən xəsarətləri alıb.
O, Xaçmaz Rayon Mərkəzi Xəstəxanasının cərrahiyə şöbəsinə yerləşdirilib.
Faktla bağlı araşdırma aparılır.
