Topaz Premyer Liqasının ikinci yarısının hazırlıqlarını doğma şəhərdə davam etdirən “Xəzər Lənkəran” çətinliklə üzləşib.
7News.Az xəbər verir ki, aramsız yağan qar Lənkəran Şəhər Mərkəzi stadionunu yararsız hala salıb. Hazırda stadionda 20-25 sm hündürlüyündə qar var. Qarın stadiondan təmizlənmə işləri isə dayandırılıb. Buna səbəb axşam şaxta olacağı halda ot örtüyünün daha da bərbad vəziyyətə düşmək təhlükəsidir.
Yanvarın 31-də çempionatın növbəti turunda “Rəvan”la qarşılaşmalı olan “Xəzər Lənkəran” isə bu gün istirahətə buraxılıb. Böyük ehtimalla komanda sabah da məşqini qapalı məkanda keçirəcək.
Stadionun fotolarını təqdim edirik:
