7NEWS.az xəbər verir ki, Yaponiyanın paytaxtı Tokionun Nihonbaşı rayonunda 51 mərtəbəli ticarət kompleksinin tikinti sahəsindəki 15 tonluq polad lövhə yerli vaxtla saat 09.20 radələrində naməlum səbəbdən 7-ci mərtəbədən 3-cü mərtəbəyə düşüb. Tikinti sahəsi işçiləri tərəfindən edilən xəbərdarlığın ardından əraziyə çox sayda yanğınsöndürən və sağlamlıq qrupu göndərilib. Hadisə yerində olan 3 işçidən 2-ni bütün müdaxilələrə baxmayaraq xilas etmək mümkün olmadığı, ağır yaralanan işçinin vəziyyətinin ağır olduğu öyrənilib. Dəhşətli qəzada 2 nəfərin yüngül xəsarət aldığı bildirilib.

7NEWS.az