7NEWS.az xəbər verir ki, Yaponiyanın Osaka əyalətində bıçaqlı hücum çaxnaşması baş verib. Nankai Elektrik Dəmiryolu xəttində qatarda olan bıçaqlı təcavüzkar yerli vaxtla 10:25 radələrində yanında olduğu 3 bıçaqla ətrafdakı insanlara hücum edib. Hadisədən sonra qatar Rinku-Town Stansiyasında dayanarkən, personalın xəbəri üzərinə çoxlu sayda polis qrupu stansiyaya göndərilib. Hücum zamanı yaralanan 1-i qatar işçisi olmaqla 3 nəfərin həyati təhlükəsinin olmadığı açıqlanıb. 37 yaşlı Kazuya Şimizu adlı təcavüzkar stansiyada qatar platformasında bir müddət polisə müqavimət göstərməyə çalışdıqdan sonra nəzarətə götürülüb. Hadisə ilə bağlı ətraflı araşdırmalara başlanılıb.
7NEWS.az
