Almaniyanın Köln Şəhər Məhkəməsi Suriyada döyüşən silahlılara maliyyə dəstəyi məqsədilə kilsələri qarət etmiş 7 nəfəri müxtəlif müddətlərə azadlıqdan məhrum edib.
7news.Az xəbər verir ki, bu barədə "Associated Press” məlumat yayıb.
Onlar 3,5-4 il, habelə 10 ay müddətində azadlıqdan məhrum olunublar. İttiham edilənlərin törətdikləri cinayətlərə dair kifayət qədər fakt və sübutlar toplanılıb.
Məlumata görə, yaşları 24-37 arasında olan cinayətkarlar 2013-2014-cü illərdə azı 5 kilsəni və bir sıra binaları qarət ediblər.
Məhkəmə qarşısına çıxarılanlar arasında Almaniya ilə yanaşı, Tunis və Mərakeş vətəndaşları da var.
7news.Az
