2023-2024-cü illərdə Yer atmosferindəki karbon qazının (CO₂) miqdarında müşahidələrin aparılmağa başlandığı dövrdən bəri ən böyük artım qeydə alınıb.
Bu barədə Ümumdünya Meteorologiya Təşkilatı (WMO) məlumat yayıb.
Məlumata görə, atmosferdəki karbon qazının miqdarı 3.5 ppm artaraq 423.9 ppm-ə çatıb.
Mütəxəssislərin qiymətləndirmələrinə əsasən, mövcud göstəricilər təsdiq edir ki, istixana qazlarının hazırkı qatılığı bəşəriyyətin heç vaxt qarşılaşmadığı səviyyəyə yüksəlib.
Bundan əlavə, iqlimə təsir edən digər iki güclü amil - metan və azot oksidinin səviyyələri də yeni rekord göstəricilərə çatıb.
