Şəmkirdə yol qəzası baş verib.
7news.Az ARB Kəpəz-ə istinadən xəbər verir ki, Bakı-Qazax magistarlının Şəmkir rayonunun Muxtariyyə kəndi ərazisindən keçən hissəsində yol qəzası baş verib.
"BMW" markalı minik maşını ilə "İsuzu" markalı yük avtomobili toqquşub. Nəticədə "BMW"-nin sürücüsü 33 yaşlı Sənan Tağıyev xəsarət alıb. Yaralı dərhal Şəmkir Mərkəzi Rayon Xəstəxanasına çatdırılıb.
Bud sümüyü sınan Tağıyevin vəziyyəti orta-ağır qiymətləndirilir.
Faktla bağlı hüquq-mühafizə orqanları araşdırmaları davam etdirir.
7news.Az
