YUNESKO-nun İcraiyyə Şurası bazar ertəsi keçirilən səsvermənin birinci turunda təşkilatın yeni baş direktorunu seçə bilməyib.
7news.Az-ın məlumatına görə, namizədlərdən heç biri qələbə qazanmaq üçün kifayət qədər səs toplamayıb.
Baş direktor postuna yeddi ölkədən, o cümlədən Azərbaycandan Polad Bülbüloğlu, Vyetnamdan Fam Sanq Çau, Misirdən Muşira Xəttab, Qətərdən Həməd bin Əbdüləziz əl-Kavari, Çindən Kian Tan, Livandan Vera Əl-Huri Lakoyeuile və Fransadan Odri Azuleyin namizədliyi irəli sürülüb.
Səsvermənin növbəti mərhələsi sabah baş tutacaq. YUNESKO-nun yeni rəhbərinin adı oktyabrın 13-dək məlum olacaq.
7news.Az
