Milyard dollarlıq korrupsiyada günahlandırılan və edama məhkum edilən məşhur milyarder Babək Zəncani mənimsədiyi pulları geri ödəyərsə, cəzası endiriləcək.

Bunu Tehranın baş prokuroru Abbas Cəfəri Devletabadi deyib.

O bildirib ki, edam cəzası ilə təqsirləndirilən Zəncani üçün qurtuluş yolları hələ də mövcuddur:

"Zəncaninin mühakimə olunmasında prioritetli məqsəd mənimsədiyi malları qaytarmasıdır”.

Dövlətin 2,8 milyard dollarını mənimsəməkdə günahlandırılan Zəncani dekabrın 3-də həbs olunub. Keçən şənbə Zəncani haqqında verilən edam qərarı İran Yüksək Məhkəməsi tərəfindən təsdiqlənib.//Publika.az

7News.az