UEFA Konfrans Liqasının II təsnifat mərhələsində "Zirə"nin rəqibi olan İsrailin "Makkabi" (Tel-Əviv) klubunda koronavirusa yoluxma halı baş verib.
Tel-Əviv təmsilçisinin futbolçusu Parfe Giaqon infeksiyaya yoluxub. Ölkəsindən qayıdan kot d İvuarlı yarımmüdafiəçidən Ben-Qurion aeroportunda götürülən analiz müsbət çıxıb.
Dərhal karantinə alınan 21 yaşlı oyunçu ötən gün təlim-məşq toplanışına başlayan komandadan kənarda qalıb.
Qeyd edək ki, UEFA Konfrans Liqasında II təsnifat mərhələsinin oyunları iyulun 21-də və 28-də olacaq.
