Vətəndaşların qəbulu və müraciətlərinə baxılması, mövcud nəqliyyat problemlərinin araşdırılması və həll edilməsi məqsədi ilə nəqliyyat naziri Ziya Məmmədov avqustun 12-də Ağstafa şəhərində Tovuz, Qazax və Ağstafa rayonlarında yaşayan vətəndaşları qəbul edəcək.
Bu barədə Nəqliyyat Nazirliyindən bildirilib.
Qəbula gəlmək istəyən vətəndaşların qeydiyyatı avqustun 10-da saat 09:00-dan 18:00-dək müvafiq olaraq aşağıdakı ünvanlarda aparılacaq:
- Tovuz şəhəri, İsmayıl Mürşüdov küçəsi - 44;
- Qazax şəhəri, Bakı küçəsi - 28;
- Ağstafa şəhəri, Üzeyir Hacıbəyov küçəsi - 25A.
7News.Az
