İzmirdə doğum zamanı daxili orqanında sarğı bezi unudulan 22 yaşlı Harika Kanık dünyasını dəyişib. 

 Hadisədə günahkar olan həkim və tibb bacısına 2 il 6 ay həbs cəzası verilib. 

Belə ki, Harika Kanık uşaqlıq sevgisi 26 yaşlı Figani Kanık ilə evləndikdən sonra hamilə qalıb. O, 13 oktyabrda doğum etdikdən sonra qarnındakı ağrılar bitmək bilməyib. Həkim qadına ağrıların əməliyyatla bağlı olduğunu və qısa müddət ərzində keçəcəyini bildirib. Başqa xəstəxanada analiz verən qadının qanında yüksək miqdarda iltihab olduğu bəlli olub. İltihaba görə müalicə alsa da qadının hərarətinin düşməməsini görən həkimlər onu əməliyyat etməyi qərara alıblar. Əməliyyat zamanı bəlli olub ki, qadının bədənində sarğı bezi unudulub. Həmin iltihaba da səbəb sarğı bezi olub.