Yozkatda anasının tək başına buraxdığı evdə baş verən yanğın nəticəsində tüstüdən zəhərlənərək ölən 3 yaşlı Atakan Uslunun qapı önündəki ayaqqabısı yaxınlarını və qonşuları göz yaşına boğub. 

7News.Az Türkiyə mətbuatına istinadən xəbər verir ki, Bediha Usullu Atakan Usullunu evdə tək qoyub, 2-ci sinifə gedən uşağını məktəbdən götürmək üçün gedib. Bir müddət sonra bilinməyən səbəbdən yanğın çıxıb. Qonşular yanğın söndürənlərə xəbər verib. 

Atakan Usullu evdə huşunu itirmiş şəkildə tapılıb. Həkimlərin səyinə baxmayaq 3 yaşlı uşağın həyatını qurtarmaq mümkün olmayıb. 

Xəstəxanaya gedən Atakan Usullunun valdeynləri Halil və Bediha usullu əsəb gərginliyi keçiriblər. 

3 yaşlı uşağın evin qarşısında qalan ayaqqabıları görənləri göz yaşına boğub.